Ezagutu gure produktua

Recharge-n babes sistemek bogie-aren bizitza-zikloa luzatzen dute eta baita, mantentze kostuak gutxitu; Gainera, berezko teknologia garatzeari esker, abantaila lehiakorra ematen diete.

JAKIN NAHI DUZU NOLA?

Recharge-k eskainitako soluzioak, ikuskapen lanak oztopatzen dituzten gain-estalduretan edota pinturetan oinarritutako babes sistemak ordezkaten ditu. Gainera, bogie-aren mantentze-lanak errazten ditu; jarri eta kendu daiteken babesgailu modularra, pertsonalizatua, konpongarria eta berrerabilgarria erabiliz, material konposatu birziklatuaz garatutakoa.

Berrikuntza teknologikoa babes sistemen portaera auxetikoari bide ematen dioten egitura zelularren erabileran datza.

Muntatutako ardatzeko inpaktua^* xurgatzeko soluzioa abiadura baxuko talka-energia 9 aldiz xurgatzeko gai da, 120km/h-raino.

^* Inpaktuaren balidaziorako 120º -ko punta konikoa erabiltzen da.

Talkekiko energia-xurgapen gaitasuna %40raino areagotzen du

GURE PROZESUA EZAGUTU NAHI DUZU?

Materialak

Trenbide egituretan egin berri diren aurrerapenek diseinu arinetara jotzen dute, energia kontsumoa eta trenbidearenganako karga gutxitzeko. Zuntzez sendotutako polimeroak (FRP) asko ari dira nabarmentzen tren-industrian, material arinak, sendoak eta korrosioarekiko erresistentzia dela eta. Gainera, zuntzez sendotatutako material termoplastikoak (FRTP) gero eta gehiago ari dira zabaltzen, prozesatze abiadura, birziklagarritasuna eta talken aurreko energia xurgatzeko ahalmenarengatik, besteak beste.

Recharge Recycling to Protect, beira-zuntzez sendotutako poliamida eta polipropilenoa erabiliz fabrikatzen ditu babesgailu sistemak, EN-45545-2 araudiarekin bat eginik eta lehengaien fabrikatzaile nagusiekin elkarlanean arituz.

Nukleo konplexuak eta egitura zelularrak

Material konposatuak erakargarriak dira garraioen industrian egitura arin eta sendoak eskeintzen dituztelako. Nukleoak funtsezkoak dira egitura hauetan. Izan ere, kargak banatu eta erresistentzia eta zurruntasuna hobetzen dituzte, pisuaren eta errendimenduaren arteko oreka ezin hobea lortuz. Recharge-k egitura zelular eta nukleo hexagonal eta korrugatuak hornitzen ditu. Egitura horien artean, egitura hexagonal re-entranteak (auxetikoak) edo bio-inspiratuak (trabekularrak) bereizten dira, talkarekiko dituzten propietate paregabeengatik.

Trabekularra (kakalardo egitura): Honeycomb egitura konbentzionalak baino inpaktuarenganako erresistentzia handiagoa du.

Auxetikoak: Karga konpresionpean dentsifikatzen diren egiturek energia xurgatzeko gaitasuna hobetzen dute.

Fabrikazio teknologiak

Material konpostuzko piezak fabrikatzeko teknologiaren aukeraketa faktore askoren menpe dago, hala nola, ekoizpen bolumena, produktuen konplexutasun geometrikoa eta lortu beharreko propietate mekanikoak.

Recharge-k polimeroen ohizko transformazio teknologiak bateratzen ditu bere produktuak fabrikatzeko, hala nola, estrusioa, termo-konformatua, GMT-a edo injekzioa.